Assalamualaikum encang encing.
Demi nilai ane bikin nih blog, tugas pertama disuruh posting tentang diri sendiri. yaudah dah langsung aje ye.
Ane anak pertame dari 3 bersaudare, ade ane ada 2, yang satu wadon yang satu lagi lanang. Yang wadon beda setaun ma ane, namanya Dewi Amalia, panggil aje Dewi, sekarang tuh anak kuliah di B*I, semester 3 kalo ga salah. Nah kalo ade ane yang lanang namanya Muhammad Rizki, kite sebut aje Eki, tuh anak beda 6 taun ape 5 taun gitu sama ane (lupa soalnye tu bocah kelahiran taun berape) pokoknya yang penting die sekarang baru kelas 1 SMK, nama sekolahnye ane ga tau tuh, lupa. Nah kalo ane sendiri name ane Denny, lengkapnya sih Denny Yusuf, ane alhamdulillah lahir dengan selamat di RS Harum jakarte, tepatnya tanggal 18 tahun '91 (bulan dirahasiakan). Catatan pendidikan ane pertama ane alumni SDN Pondok Kelapa 09 pagi Jakarte timur, trus pernah sekolah di SMPN 199 Pondok Kopi, berhubung pindah rumah ane pindah sekolah ke SMPN 102 Jakarta, lalu ane berlanjut ke SMA 98 Jakarta, trus ane sempet nyicipin kuliah di UNINDRA (sebenrnya sih cuma numpang bayaran) di jurursan DKV, tapi sekarang pindah dan mengulang dari awal di Gunadarma jurusan Sistem Informasi..
Sekarang kite bahas masalah tempat tinggal ane. Rumah ane pindah pindah, pertama di Bekasi (kalo ga salah), trus pindah ke Cijantung, trus pindah lagi ke Bekasi, balik lagi ke Cijantung, pindah lagi keBekasi, trus balik lagi di CIjantung, dan alhamdulillah sekarang sudah menetap di Depok, cape ye pindah pindah mulu.
keseharian ane, ya ga lagi laen dah dari warnet, PS, kasur, musik dan makan. Tapi sekarang udeh nambah kegiatan yaitu kuliah dan ngerjain tugas.
Auah bingung mau ngetik ape lagi, oiye, hobi belonan ye?, yaudeh kita bahas, hobi ane sih olahraga, tapi berhubung ni kaki udeh soak kaga bisa dipake olahraga berat ya jadi ga pernah olahraga lagi dah, trus hobi ane yang laen gaming, musik, ngayap, begadang, makan dan makan.
udeh ye cukup perkenalan dari ane, ude mentok gatau mau ngomong ape lagi. sebelomnye kalo ade kate kate ane yang ga berkenan mohon maaf ye.
wassalam!!
Tidak ada komentar:
Posting Komentar